Matrikulazio epea martxoaren 6an irekiko da (00:00tan), maiatzaren 14ra arte. Banaka, binaka, hirunaka edo launaka matrikulatzeko aukera egongo da. Egon adi!

Euskal Herriko lurralde ezberdinetako gazteen topagunea izango da La Tahona aterpetxea. Gazteen interesak, motibazioak eta beharrizanak aintzat hartuz, askotariko ekintzez eta dinamikez osatutako aste ludikoa izango da bertan egingo duguna. Gazteek, jolasak ematen duen gozamenerako aukera baliatuz, berdinen arteko harremanetan sakontzeko aukera paregabea izango dute.

Zurriolan biziko dute ikasleek urak eta itsasoak kostaldean, pertsonengan, komunikazioan eta kulturan izan duten eragina. Modu horretan, naturaz gozatzeko aukera izango dute, itsas mundua ezagutuz eta sentituz, itsasoan eta Donostiako inguru ederretan egingo diren jolasen, jokoen eta jarduera ludikoen bidez.

Euskal kostaldean ingelesez egingo diren multiabentura udaleku itxiak dira hauek. Zarautzen gazteek ingelesa lantzeko aukera izango dute ekintza-programa zabal baten bidez: kirol- eta ur-ekintzak, txangoak eta abar. Hezitzaileak Euskal Herriko ingeles hiztunak eta jatorriz ingeles hiztunak izango dira. Enjoy the adventure with us!