IRUDIEN TRATAMENDUA

Dakizunez, ekintza kulturala egiten den inguruan, euskara eta proiektua sustatzeko ekintzetan zuen irudiak hartzea ohikoa izaten da. Irudi horiek aldizkarian, agendan, edo bestelako argitalpenetan agertzen dira, baita ikastolen elkartearen publizitate liburuxketan edo web orrian ere.

Arreta berezia ipintzen dugu irudi eta argazki horien erabileran eta argitalpenean, eta momentu oro, argazki horietan agertzen diren pertsonen intimitatea errespetatuko da, datuen babeserako indarrean dagoen araudia errespetatuz. Irudi hauek guztiak helburu legitimo eta informatibo baterako erabiliko dira, beti ere Ikastolaren izaerarekin lotuta; horregatik ezingo dira erabili beste helburu desberdin baterako. Beste alde batetik, ez dute irispide publikokoa izango eta ezingo dira erreproduzitu, transmititu edo errekuperazio sistema baten bitartez erregistratu, ukituak direnen adostasunik izan gabe.

Hori guztia kontuan izanik, EUSKAL HERRIKO IKASTOLA, EKE -ren Zuzendaritzatik, datuen babeserako indarrean dagoen araudia aplikatuz adostasuna eskatzen zaizue indibidualki edo taldean agertzen zareten irudien argitalpenerako, eta horretarako, dokumentu honen amaieran ematen den formularioa bete dezazuen eskatzen dizuegu.

Adierazten dut:

• EUSKAL HERRIKO IKASTOLA, EKE-k nire adostasuna eskatu didala nire irudi edota ahotsa biltzeko eta erabiltzeko zentroaren promozio helburuetarako.
• Dokumentu honetan jasotzen den EUSKAL HERRIKO IKASTOLA, EKE-ren eskutik emandako informazioaren berri badudala, eta hori guztiaren onarpena libreki eta borondatez emanez, NIRE ADOSTASUN ESPRESUA EMATEN DUDALA, EUSKAL HERRIKO IKASTOLA, EKE-k hurrengo datu pertsonalen tratamendu-eragiketak egin ditzan:

Nire argazkiak, irudiak edota ahotsa dituzten bideoak jaso eta www.ikastola.eus web orrian, sare sozialetan, blogetan edota ikastolak erabiltzen dituen bestelako aplikazioetan publikatu.

Publikatuak izango diren sare sozialak eta aplikazioak honako hauek dira: Twitter, Instagram, Facebook eta YouTube

Honen onarpenak, sare sozial eta aplikazio bakoitzaren pribatutasun politikak onartzea dakar; azken horien edukia ezagutzeko sare sozial horietara jo beharko da.

GARRANTZI HANDIKO OHARRA: Youtube eta Facebook edo Twitter antzeko sare sozialetan datu pertsonalak publikatzean, IRUDIEN ETA AHOTSAREN NAZIOARTEKO TRANSFERENTZIA gertatuko da, konkretuki, Google, Inc., Facebook, Inc., eta Twitter, Inc.,-en kasuan, AEBn egoitza dutenak, eta EU-US Privacy Shield Akordioaren (679/2016 EB-ko Erregelamenduaren 45.1. artikuluan babestuta) barnean daudenak. Era berean, Flickr-en datuak publikatzean, transferentzia internazionala gertatuko da SmugMug, Inc.-ra, AEBn egoitza duena, kontratuzko klausula tipoen arabera (679/2016 EB-ko Erregelamenduaren 46.2. artikuluan babestuta).

• Adostasun eman aurretik, EUSKAL HERRIKO IKASTOLA, EKE-k egiten duen nire irudiaren eta ahotsaren tratamenduaren informazioa irakurri eta ulertu dudala eta, batez ere, jakitun naizela nire adostasuna edozein momentutan atzera bota dezakedala, beti ere EUSKAL HERRIKO IKASTOLA, EKE-ri idatziz eskaera eginez.