Uretan Blai (Lekeitio)

Laburpena

Lekeition antolatzen ditugun udaleku hauetan, ikasleek urak eta itsasoak kostaldean, pertsonengan, komunikazioan eta kulturan izan duten eragina biziko dute. Modu horretan, naturaz gozatzeko aukera izango dute, itsas mundua ezagutuz eta sentituz, itsasoan eta Lekeitioko inguru ederretan egingo diren jolasen, jokoen eta jarduera ludikoen bidez.

Programazioa adin-tarte bakoitzari egokitzen da eta aisialdi euskalduna, inklusiboa eta hezitzailea eskaintzeko landu da programazioa. Udalekuetako ekintzak bideratzeko interesguneak kostaldea, natura eta kirola izango dira. Horrela, Azkue Ikastolak, herria eta inguruneak eskaintzen dituzten baliabideak eskura izanda, haurrak naturarekin zuzenean konektatuko dira eta aukera izango dugu jolas eta joko desberdinak, tailerrak, natura-gune ezberdinetara irteerak eta bestelako ekintzak bideratzeko.

Programazioa

Programazioak hainbat ekintza-mota jasotzen ditu, tokian tokiko errealitatera egokitutakoak. Lekeition arrauna, hondartza, tailerrak, gaubelak, txangoak, abentura parkea, jolasak, eta abar antolatzen dira.

Kokalekua
Udalekuak Lekeitioko Azkue Ikastolan antolatzen dira. Ikastolek haur eta gaztetxoak gustura eta eroso egoteko beharrezko espazio eta azpiegiturak eskaintzen dituzte (logelak, aretoak, aldagelak eta dutxak, jantokia, kanpo-espazioak…). Gainera, herrietako leku lasaietan kokatuta daude, parke, naturgune eta hondartzatik gertu.

Lan-taldea

Udalekuetan lanean arituko den lan-taldea aisialdiko zuzendari batez eta ratioaren araberako hezitzaile kopuru batez osatuta dago. Hezitzaileak Euskal Herriko txoko ezberdinetatik datoz eta eskarmentu handia dute aisialdian.  Horrez gain, udalekuak hasi baino lehenago Zirimolak antolatutako formakuntza espezifikoa jasotzen dute.

Izen-ematea

Izen-ematea online egingo da Zirimolan. Martxoaren 4an irekiko da eta maiatzaren 14an itxiko.