Ekaina eta uztailean zehar garatzen diren goizeko jarduerak dira. HH eta LHko ikasleei zuzenduriko udaleku hauek ikastolan bertan garatzen dira eta ikastola bera da egitasmoa antolatzen duena.
Ikastolako kanpo espazioak eta herriko natur guneak baliatuz, astero gai ezberdin batez gozatzeko aukera izango dugu.
Haurrak taldean eta modu ludiko batean ingelesez aritzeko udaleku irekiak dira. Ikastolen Elkarteak udaleku honetarako beren-beregi sortutako ikasmateriala erabiliko da. Aurten begiraleak Euskal Herriko ingeles hiztunak izango dira.
Astebetez Arabar Errioxako Lapuebla de Labarkan burutzen den udalekua. Euskal Herriko mugako herri eta eskualde honetako baliabide kultural eta naturalez gozatuko dute.
Euskal pilota jolas eta jokoen bitartez lantzeko aukera izango dugu. Honekin batera beste hainbat ekintza burutuko dira: mendi irteerak, igerilekua, gaubelak, tailerrak....
Euskal kostaldean ingelesez burutuko diren multiabentura udaleku itxiak dira hauek. Bermeon burutuko diren egonaldi hauek aste betekoak izango dira.
Enjoy the adventure with us!!
Lekeition eta inguruan urak eta itsasoak kostaldean, pertsonengan, komunikazioan eta kulturan izan duten eragina biziko dute ikasleek; itsas munduaren jatorria ezagutuko, sentituko dute itsasoan bideratuko diren ur jolas, joko eta jardueren bidez.
Euskal kostaldean ingelesez burutuko diren multiabentura udaleku itxiak dira hauek. Sopelan burutuko diren egonaldi hauek aste betekoak izango dira.
Enjoy the adventure with us!!
Euskal Herri guztiko gazteen bilgune izan nahi du udaleku honek. Bertan, gazteen interesetatik abiatuta ekintza ezberdinak burutuko ditugu: natur irteerak, kirol jarduerak, musika, sare sozialak...