Kirolez blai_Mugitu, jolastu eta gozatu kirolarekin!

Laburpena

Kirolez Blai udako oporretan, aste beteko txandetan, Euskal Herriko haur nagusienentzat (LH3-6) antolatzen diren udaleku irekiak dira.

Udaleku hauek ikastolan bertan garatzen dira eta ikastola bera da egitasmoa antolatzen duena. Modu horretan, ikastolako kanpo-espazioak eta herriko natura-guneak baliatuz, haurrek, aisialdi hezitzaileak eskaintzen dituen espazioetan, udako giroaz, lagunekin eta euskaraz jolasean gozatzeko aukera izango dute.

Programazioa

Programazioa adin-tarte bakoitzari egokituta dago eta aisialdi euskalduna, inklusiboa eta hezitzailea eskaintzeko jarduera-multzoa da. Aste bakoitzean kirol-sekuentzia ezberdin bat proposatuko da, eta horren inguruan joko, jolas eta ekintza ezberdinak antolatuko dira.

Hauxe da programazio eredu bat, eredu orientatibo bat da (urtero aldatzen dira gaiak eta ekintzak):

Kokalekua

Udalekuak Euskal Herriko Ikastoletan burutuko dira (Ikastolaren baitan dago proiektuan parte hartzea). Ikastolako kanpo-espazioak lehenetsiko dira, eta horrez gain, astero txangoak egingo dira inguruko parke eta eremu naturaletara.

Lan-taldea

Udalekuetan lanean arituko diren hezitzaileak ikastola eta inguru hurbileko pertsonak dira. Guztiek Aisialdiko begirale titulua daukate eta horrez gain, udalekuak hasi baino lehenago Zirimolak antolatutako formakuntza espezifikoa jasotzen dute.

Izen-ematea

Ikastolaren baitan dago proiektuan parte hartzea. Izena emateko kontsultatu zure ikastolan.