Udaleku hauek ikastolan bertan garatzen dira eta ikastola bera da egitasmoa antolatzen duena. Modu horretan, ikastolako kanpo-espazioak eta herriko natur guneak baliatuz, haurrek aisialdi hezitzaileak eskaintzen dituen espazioetan euskaraz, udako giroaz, eta lagunez, jolasean gozatzeko aukera izango dute.

Hori guztia egiteko Zirimola Ikastolen Aisialdi Taldeak formatu eta koordinatutako hezitzaileak izango dira egitasmoa aurrera eramango dutenak.