Euskal Herriko lurralde ezberdinetako gazteen elkar-lekua izango da La Tahona aterpetxea. Gazteen interesak, motibazioak eta behar izanak aintzat hartuz, ekintza zein dinamika ezberdinez osatutako aste ludikoa izango da hemen egingo duguna.

Izen emate epea martxoaren 16an irekiko da eta maiatzaren 6an itxiko. Eskaera kopurua gehiegizkoa bada, onarpenak matrikulazio dataren arabera egingo dira, beti ere ikastoletako ikasleek beste guztiekiko preferentzia izango dutelarik apirilaren 4ra arte; data honetatik aurrera ez da preferentziarik izango. Udalekuetara joateko tokirik gabe geldituz gero , ordaindutakoa itzuli egingo zaizue.