Atzerriko egonaldiak 2022: BELFAST

Aurten Atzerriko egonaldiak antolatuko ditugu ipar Irlandan BELFAST hirian. Izen ematea martxoaren 1etik aurrera irekita plazak agortu arte.

  • 3 asteko egonaldia
  • Adina: 12-16 urte (DBH 1- Batxi 1)
  • Datak: ekainak 30 – uztailak 22
  • Prezioa:
    • 2500€ ikastoletako ikasleek
    • 2760€ gainontzekoek
  • Prezioan barne: Bidaia hegazkinez, Irlandan garraioa, familian ostatua, mantenu osoa, ingeles ikastaroa, txangoak, ekintza sozialak eta kulturalak, hezitzaileen laguntza, multiasistentzia asegurua, bilera informatiboa eta kamiseta.

OSTATUA

Ardura handiz hautatutako familietan ostatu hartuko dute ikasleek, mantenu osoan. Familian bakarrik edota nazioarteko beste ikasle batekin egongo dira.

EKINTZAK

Ikasleek egunero, elkarteak edota hezitzaileek antolatutako kirol, sozial edota kultur ekintzetan parte hartuko dute: Hurling, Irish football, ginkana, Titanic Belfast, bolera… Honetaz gain Irlandako leku interesgarrienetara ere txangoak egingo dituzte.

HEZITZAILEAK

Taldearekin gurekin esperientzia handia duen hezitzaile bat joango da. Hau, ikasleak bezala, inguruko beste familietan egongo da eta une oro ikasleak laguntzeko prest egongo da. Honetaz gain, hilean programatuta dauden irteera eta ekintzetan parte hartuko du. Hezitzaileak, arreta pertsonalaren bidez, ikasleak egonaldiari ahalik eta etekin handiena ateratzea du helburu.

INGELERAREN LANKETA

Ikasleek ingeles klaseak izango dituzte astean 15 orduz. Beraien ingeles mailaren arabera talde desberdinetan banatuta egongo dira.

ASEGURUA

“Ikaseguruak” estaldura handiko multiasistentzia asegurua kudeatzen dugu ikasleentzat zein hezitzaileentzat. Honetaz gain, ikasle bakoitzak bere Europar Osasun Txartela tramitatu beharko du.

BILERA INFORMATIBOA

Egonaldia hasi baino lehen bilera informatiboa antolatuko dugu parte hartzaileekin. Bertan egonaldiari buruzko gai desberdinak tratatuko ditugu: maleta, osasuna, ingelesaren lanketa, ekintzak, familiak, etab.

PASAPORTEA

Egonaldian parte hartzeko pasaportea ezinbestekoa da. Ikaslearen ardura da eguneratuta izatea.