Gazte topaketak (Bermeo)

Alloko Gazte Topaguneak izan duen arrakasta ikusita eta familia askoren eskaria aintzat hartuta, Bermeon Gazte Topaketak antolatu ditugu. Bertan kirol- eta ur-ekintzak, txangoak, eskulan eta tailerrak, gaubelak…egingo dira. Hala, Bermeo ere Euskal Herriko lurralde ezberdinetako gazteen topagune bilakatu dugu. Gazteen interesak, motibazioak eta beharrizanak aintzat hartuz, askotariko ekintzez eta dinamikez osatutako aste ludikoa izango da bertan egingo duguna. Gazteek, jolasak ematen duen gozamenerako aukera baliatuz, berdinen arteko harremanetan sakontzeko  aukera paregabea izango dute.

Azken plazak eskuratzeko deitu 943 445108 (Jone) telefonora.